Breiðablik er komið í bikarúrslit eftir sigur á Víkingi Ólafsvík í gríðarlega dramatískum leik.
Staðan var jöfn að loknum 90 mínútum en Ólsarar komust svo í 2-1 undir lok fyrri hálfleiks framlengingarinnar. Gestirnir, sem leika í Inkasso-deildinni, virtust ætla að taka sigurinn og sæti í bikarúrslitum en á síðustu sekúndum leiksins tókst Blikum að jafna. Jöfnunarmarkið gerði hinn 18 ára gamli Brynjólfur Darri Willumsson, sem hafði komið inn á fyrir bróður sinn, Willum Þór.
„Þegar ég sá að það var opið mark ákvað ég að bomba þessu á markið, þegar ég sá að fjærhornið var opið," sagði Brynjólfur Darri í viðtali við Fótbolta.net eftir leikinn.
Blikar fögnuðu sigrinum auðvitað vel og innilega eftir lek. Markvörðurinn Gunnleifur Gunnleifsson, aldursforsetinn í liði Breiðabliks, stjórnaði fagnaðarlátunum í klefanum eftir leik.
Hér að neðan má sjá skemmtilegt myndband því til sönnunar.
HVER ER ÞAR???? #ItsComingHome #fotboltinet 💚💚🤤🏆 pic.twitter.com/CcZWLoOzVa
— Ólafur Jónsson (@olafurasgeir) August 16, 2018
Athugasemdir