Mourinho var reiður eftir tap gegn Brighton.
Jose Mourinho, stjóra Manchester United, var ekki skemmt í viðtali eftir tap gegn Brighton í ensku úrvalsdeildinni í gær. United spilaði mjög illa í leiknum og tapaði sanngjarnt 3-2.
Mourinho fór á blaðamannafund en hann ræddi einnig við Carrie Brown, fréttakonu hjá Bein Sports.
Viðtalið hefur fengið nokkra athygli og ekki af jákvæðum ástæðum. Mourinho sýndi kaldhæðni í svörum sínum.
„Við gerðum mistök og okkur var refsað fyrir þessi mistök," sagði Mourinho þegar Brown spurði hann út í frammistöðuna.
Því næst tók Brown upp á því að spyrja Portúgalann út í andrúmsloft og samskipti á milli leikmanna, hvort það hafi ekki vantað í þessum leik. Þessi spurning fór ekki vel í Mourinho.
„Þú hlýtur að vera frábær í þínu starfi fyrst þú getur talað um andrúmsloft á milli leikmanna þegar þú ert upp í stúku," sagði Mourinho en viðtalið stóð ekki mikið lengur yfir.
Myndband má sjá hér að neðan.
Sjá einnig:
Mourinho neitar að gagnrýna leikmenn
Mourinho is not happy. #beINPL #BHAMUN #MUFC pic.twitter.com/DxuRPymicf
— beIN SPORTS (@beINSPORTS) August 19, 2018
Athugasemdir
