Heimild: RÚV
Harpa Þorsteinsdóttir verður frá út árið eftir að hún sleit krossband gegn Blikum í úrslitaleik Mjólkurbikarsins á föstudaginn.
Þetta eru afar slæm tíðindi fyrir Stjörnuna og íslenska landsliðið þar sem ólíklegt er að Harpa verði leikfær fyrr en næsta vor.
Harpa steig illa niður í úrslitaleiknum og þurfti að bera hana af velli. Stjarnan tapaði leiknum 2-1.
Harpa staðfesti í samtali við RÚV í dag að hún væri með slitið krossband og rifinn liðþófa í hné.
Hún missir því af gífurlega mikilvægum landsleikjum Íslands gegn Þýskalandi og Tékklandi í undankeppni heimsmeistaramótsins.
Þá verður hennar sárt saknað í Garðabænum þar sem Stjarnan á ennþá eftir að spila fimm leiki í Pepsi-deildinni í sumar.
Athugasemdir