Hildur í leik með Breiðablik
Hildur Antonsdóttir var valin maður leiksins í dag og skoraði mark í 2-0 sigri Breiðabliks sem kom þeim grænklæddu aftur á toppinn.
Lestu um leikinn: Breiðablik 2 - 0 KR
„Það er alltaf gott að vera á toppnum en það er bara leikur á sunnudaginn og við byrjum að einbeita okkur að honum á morgun.“
Spurð út í bikarúrslitin og hvort ekki hefði verið fögnuður eftir að Blikastúlkur voru krýndar bikarmeistarar síðastliðið föstudagskvöld hafði Hildur þetta að segja.
„Það var náttúrulega stutt í þenann leik en það var partý í Smáranum fyrir stuðningsmenn og leikmenn en svo var fólk bara komið snemma heim að undirbúa sig fyrir þennan leik.“
Hildur var eins og áður segir valin maður leiksins að mati Fótbolta.net, skoraði mark og vann boltann strax eftir miðjuna til að skapa seinna markið.
„Það er alltaf gaman að skora og vinna boltann svo og vera partur af öðru marki. Gerist ekki skemmtilegra en það.“
Athugasemdir
