fös 14. september 2018 15:15
Magnús Már Einarsson
Þjálfari kvennaliðs Liverpool óvænt hættur - Kirkland tekur við
Chris Kirkland.
Chris Kirkland.
Mynd: Getty Images
Neil Readfearn, þjálfari kvennaliðs Liverpool, er óvænt hættur eftir einungis eina umferð í úrvalsdeildinni.

Readfearn tók við Liverpool í sumar en hann tók við erfiðu búi þar sem margir lykilmenn fóru eftir síðasta tímabil.

Liverpool tapaði 5-0 gegn Arsenal í fyrstu umferð úrvalsdeildarinnar um síðustu helgi eftir að hafa áður dottið út úr enska bikarnum gegn Manchester United.

Chris Kirkland, fyrrum markmaður Liverpool, og Vicky Jepson hafa tekið tímabundið við stjórnartaumunum.

Kirkland var ráðinn markmannsþjálfari hjá kvennaliði Liverpool í sumar en Vicky var aðstoðarþjálfari.
Athugasemdir
banner