Huesca 0 - 1 Rayo Vallecano
0-1 Giannelli Imbula ('29)
0-1 Giannelli Imbula ('29)
Franski miðjumaðurinn Giannelli Imbula gerði eina mark leiksins er Rayo Vallecano lagði Huesca að velli í nýliðaslag spænsku deildarinnar.
Hann skoraði glæsilegt mark þar sem hann var rétt fyrir utan vítateig heimamanna og þrumaði knettinum í þaknetið.
Imbula er dýrasti leikmaður í sögu Stoke en fann aldrei taktinn hjá félaginu og náði ekki að festa sig í sessi í byrjunarliðinu. Hann var því lánaður til Toulouse í fyrra og er nú á láni hjá Vallecano út tímabilið.
Þetta er fyrsti sigur Vallecano á tímabilinu og er liðið með þrjú stig eftir þrjár umferðir. Huesca er búið að spila fjóra leiki og er með fjögur stig.
Athugasemdir