Rúnar Páll er bikarmeistari. Hér fær hann mjólkurbað frá aðstoðarmanni sínum.
Rúnar Páll Sigmundsson, þjálfari Stjörnunnar, var hæstánægður þegar hann mætti í viðtal hjá Fótbolta.net eftir sigur á Breiðablik í úrslitaleik Mjólkurbikars karla í kvöld.
Lestu um leikinn: Stjarnan 4 - 1 Breiðablik
„Þetta er mjög sætt, stórkostleg stundu fyrir okkur alla, sem lið, fyrir fólkið okkar og félagið. Þetta er eiginlega ólýsanleg tilfinning," sagði Rúnar Páll.
Leikurinn fór alla leið í vítaspyrnukeppni þar sem Stjarnan hafði betur, 4-1.
„Þetta var bráðskemmtilegur leikur. Mér leið mjög vel í leiknum, við vorum að spila vel en Blikarnir voru að gera það líka. Haraldur var frábær í markinu og allt mitt lið var frábært," sagði Rúnar en hann hrósaði Gunnleifi í marki Breiðabliks sérstaklega.
„Ég hafði miklar áhyggjur þegar kom að vítaspyrnukeppninni, hefði getað farið á hvorn veginn sem er. Við kláruðum þetta og lönduðum frábærum titli."
Rúnar segist ekki ætla að fagna með einum köldum en ætlar samt að fagna vel. Framundan hjá Stjörnunni er barátta upp á Íslandsmeistaratitilinn. „Við erum í bullandi séns á að vinna Íslandsmeistaratitil," sagði Rúnar undir lok viðtalsins en Stjarnan er einu stigi á eftir toppliði Vals þegar þrjár umferðir eru eftir í Pepsi-deildinni.
Viðtalið við Rúnar er í heild sinni hér að ofan.
Athugasemdir
