Á morgun lýkur keppni í 2. deild karla. Lokaumferðin fer fram, allir leikirnir hefjast klukkan 14:00.
Eftir atburði vikunnar þar sem Völsungi var dæmdur 3-0 sigur gegn Hugin gæti orðið rosaleg dramatík á morgun. Völsungur á möguleika á því að komast upp og er í baráttunni við Vestra, Aftureldingu og Gróttu um það. Það er líka spenna í botnbaráttunni.
Eftir atburði vikunnar þar sem Völsungi var dæmdur 3-0 sigur gegn Hugin gæti orðið rosaleg dramatík á morgun. Völsungur á möguleika á því að komast upp og er í baráttunni við Vestra, Aftureldingu og Gróttu um það. Það er líka spenna í botnbaráttunni.
Vigfús Arnar Jósepsson, sem stýrt hefur Leikni Reykjavík í Inkasso-deildinni í sumar og hefur gert það einstaklega vel, spáir í lokaumferðina fyrir Fótbolta.net.
Leiknir F. 2 - 1 Víðir
Leiknismenn hinir eystri munu vinna sigur og tryggja sæti sitt í deildinni. Víðismenn hafa að litlu að keppa og það mun sjást á leik þeirra.
Þróttur V. 3 - 2 Fjarðabyggð
Þróttarar munu enda tímabilið á góðum sigri. Fjarðabyggð hefur verið á öfugum fæti undanfarið og munu tapa sínum fimmta leik í röð. Þróttarar tryggja sig í efri hluta deildarinnar með þessum sigri.
Völsungur 3 - 0 Tindastóll
Völsungur kemur af krafti í þennan leik og Stólarnir sjá aldrei til sólar. Leikurinn verður búinn eftir fyrri hálfleikinn. Þetta verður því miður til þess að Tindastóll fellur um deild.
Kári 1 - 1 Vestri
Það hefur gengið vel á Skaganum í sumar og þar er sjálfstraustið hátt uppi. Það dugar til þess að Káramenn kreista út jafntefli gegn Vestramönnum, í leik sem þeir komast yfir og missa niður í jafntefli.
Grótta 4 - 0 Huginn
Huginn er því miður með einbeitinguna á einhverjum öðrum stað en þessum leik. Þessi ferð á Nesið fyrir þá verður ekki góð. Grótta klúðrar mörgum færum í upphafi og óþolinmæði grípur um sig. Ísinn brotnar síðan við fyrsta mark. Deildin er þeirra með þessum sigri.
Höttur 1 - 1 Afturelding
Afturelding fer austur og verður í erfiðleikum með að skora. Hattarmenn hafa unnið síðustu tvo og ná að skora eftir fast leikatriði. Afturelding hendir öllum fram í lokin og jafna seint í leiknum. Þeir fara upp um deild á markatölu.
Fyrri spámenn:
Viktor Jónsson - 5 réttir
Telma Hjaltalín - 4 réttir
Sólon Breki Leifsson - 3 réttir
Aron Snær Friðriksson - 2 réttir
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir