Elías Már Ómarsson byrjaði er Excelsior og Heerenveen gerðu 3-3 jafntefli en Elías fór af velli á 83. mínútu. Excelsior er í þrettánda sæti.

Kristófer Ingi Kristinsson var í leikmannahópi Willem II sem gerði 4-4 jafntefli við Fortuna Sittard. Hann var allan tímann á varamannabekknum að þessu sinni. Willem er í áttunda sæti deildarinnar.

Rúnar Már Sigurjónsson var þá auðvitað í byrjunarliði Grasshopper sem vann Xamax 3-1. Rúnar fór af velli á 79. mínútu leiksins en Grasshopper er í áttunda sæti deildarinnar eftir sjö leiki.

Guðmundur Þórarinsson lék allan leikinn er Norrköping vann Dalkurd FF í sænsku úrvalsdeildinni. Norrköping er í 2. sæti deildarinnar, þremur stigum á eftir AIK.