„Hann er uppalinn Þróttari og á að baki 29 landsleiki með yngri landsliðunum auk þess að eiga fjölmarga leiki í efstu deild með Val og Leikni þrátt fyrir ungan aldur. Það er mikið ánægjuefni fyrir okkur Þróttara að samningur hafi verið framlengdur og við njótum krafta Daða í komandi verkefnum næstu tvö keppnistímabil," segir á heimasíðu Þróttar.

Þróttur hafnaði í fimmta sæti Inkasso-deildarinnar á liðnu tímabili undir stjórn Gunnlaugs Jónssonar. Þórhallur Siggeirsson var aðstoðarmaður hans á tímabilinu og mun halda því starfi áfram en auk þess hefur hann verið ráðinn yfirþjálfari yngri flokka hjá félaginu.

Þórhallur er með UEFA-A þjálfaragráðu auk þess að vera með M.Sc gráðu í íþróttavísindum og þjálfun frá Háskólanum í Reykjavík. Hann hefur mikla reynslu af þjálfun, hefur þjálfað hjá HK, Val og nú síðast hjá Stjörnunni þar sem hann var yfirþjálfari yngri flokka frá 2014-2017.