„Þetta var mjög gott framan af, svo eru þetta klaufaleg mistök sem við erum sekir um," sagði Kári Árnason eftir 2-2 jafntefli Íslands við Frakka í vináttulandsleik í kvöld en Ísland leiddi lengi vel 0-2.
Lestu um leikinn: Frakkland 2 - 2 Ísland
„Þeir skora heppnismark sem við fáum í andlitið, en heilt yfir er þetta mjög jákvætt og gott að fá svona góða frammistöðu eftir tvö afhroð. Það er hægt að byggja á þessu og koma til baka."
Kári var frábær í leiknum í kvöld en hann hafði ekki byrjað síðustu tvo leiki í Þjóðadeildinni.
„Við Raggi erum búnir að spila það lengi saman að þetta er svona "second nature". Það er alltaf gaman að spila fyrir landsliðið og maður gerir allt sem maður getur."
Kári skoraði flott mark með skalla sem fór í slá og stöng og inn.
„Við vorum búnir að segja Gylfa að setja boltann á nær og hann gerði það bara fullkomnlega. Það var lítið annað í stöðunni en að skalla þetta inn. Jói og Gylfi setja boltann alltaf þar sem maður biður um hann svo það verður bara að losa sig og gera eitthvað úr því."
Nánar er rætt við hann í sjónvarpinu að ofan.
Athugasemdir