Ítalskir fjölmiðlar greina frá því að Genoa hefur skellt 50 milljón evra verðmiða á pólska sóknarmanninn Krzysztof Piatek.
Orðrómur er á kreiki um að Genoa hafi þegar hafnað 25 milljónum evra frá Napoli.
Piatek er búinn að gera 13 mörk í 8 leikjum frá komu sinni til Genoa og skoraði sitt fyrsta landsliðsmark fyrir Pólland á dögunum.
Piatek, sem er aðeins 23 ára gamall, er markahæstur á upphafi tímabils í ítalska boltanum. Genoa borgaði 4.5 milljónir evra fyrir hann.
Genoa er í tólfta sæti í ítölsku deildinni og er Piatek búinn að gera níu af tólf mörkum liðsins.
Athugasemdir