Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 12. október 2018 15:10
Hafliði Breiðfjörð
Birkir skaut miðasölunni gegn Sviss í gang - Hröð sala
Icelandair
Albert Guðmundsson og Paul Pogba í baráttunni í leiknum í gærkvöldi.
Albert Guðmundsson og Paul Pogba í baráttunni í leiknum í gærkvöldi.
Mynd: Fótbolti.net - Daníel Rúnarsson
Miðasala á landsleik Íslands og Sviss í Þjóðadeildinni hefur tekið mikinn kipp og þegar þetta er skrifað eru aðeins 2300 miðar eftir á leikinn.

Miðasalan gekk mjög hægt síðustu vikurnar en frammistaða landsliðsins gegn Frakklandi í gær hreyfði við fólki og miðasalan rauk í gang eftir að Birkir Bjarnason kom íslenska liðinu yfir í leiknum sem lauk með 2-2 jafntefli.

„Eftir markið hans Birkis rauk miðasalan í gang," sagði Óskar Örn Guðbrandsson fjölmiðlafulltrúi KSÍ við Fótbolta.net í dag.

„Það seldust 1030 miðar í gær, þar af 750 frá því Birkir skoraði markið og til miðnættis."

Miðasalan hefur svo haldið áfram að ganga vel í dag og Óskar sagðist bjartsýnn á að uppselt verði á leikinn.

Miðasalan fer fram á miðasöluvefnum Tix.is, smelltu hér til að fara í miðasöluna.
Athugasemdir
banner
banner
banner
banner
banner