Alexandre Lacazette, sóknarmaður Arsenal, segir að hann sakni stemningarinnar á leikjum frönsku deildarinnar. Hann segir að andrúmsloftið á leikjum sé betra í Frakklandi en á leikjum ensku úrvalsdeildarinnar.
„Á Englandi eru aðdáendur meira áhorfendur en stuðningsmenn," segir Lacazette.
„Það er skemmtilegra andrúmsloft á frönskum leikvöngum."
Stuðningsmenn Arsenal hafa þó góða ástæðu til að gleðjast því liðið hefur verið á miklu skriði að undanförnu eftir hikst í byrjun tímabils.
Lacazette er kominn með fimm mörk í öllum keppnum en næsta verkefni Arsenal er deildarleikur gegn Leicester og svo kemur Evrópuleikur gegn Sporting Lissabon.
Athugasemdir