fim 18. október 2018 15:20
Fótbolti.net
Enski boltinn byrjar aftur að rúlla - Staðan hjá þeim sex stóru
Sergio Aguero.
Sergio Aguero.
Mynd: Getty Images
Eden Hazard.
Eden Hazard.
Mynd: Getty Images
Virgil van Dijk.
Virgil van Dijk.
Mynd: Getty Images
Lacazette.
Lacazette.
Mynd: Getty Images
Özil þarf að gera betur.
Özil þarf að gera betur.
Mynd: Getty Images
Lucas Moura er að gera gott mót.
Lucas Moura er að gera gott mót.
Mynd: Getty Images
Lloris þarf að gera betur.
Lloris þarf að gera betur.
Mynd: Getty Images
David de Gea.
David de Gea.
Mynd: Getty Images
Keppni í ensku úrvalsdeildinni fer aftur af stað um helgina eftir landsleikjahlé. Daily Mail skoðaði stöðuna hjá sex stærstu félögum deildarinnar.

Ver Manchester City titilinn? Mun Maurizio Sarri gera Chelsea að meisturum á sínu fyrsta tímabili á Englandi? Mun Jurgen Klopp ýta öllum frá?



MAN CITY, 1. sæti, 20 stig

Hvernig hefur gengið á tímabilinu hingað til?
Ríkjandi meistarar hafa skorað flest mörk og ekkert lið hefur fengið færri á sig. Samt finnst manni að liðið eigi meira inni. Pep Guardiola fer fram á enn meira á komandi vikum.

Hver hefur verið aðalmaðurinn?
Sergio Aguero. Markaskorarinn þrítugi er markahæsti leikmaður liðsins. Áreiðanlegur.

Næstu sex leikir:
Burnley (H), 20. október
Shakhtar (Ú), 23. október (Meistaradeildin)
Tottenham (H), 29. október
Fulham (H), 1. nóvember (deildabikarinn)
Southampton (H), 4. nóvember
Shakhtar (H), 7. nóvember (Meistaradeildin)

Hver hefur bætt sig mest?
Bernardo Silva. Portúgalska útgáfan David Silva er einn af þeim fyrstu sem fer á blað hjá Guardiola í dag.

Hver þarf að gera betur?
Riyad Mahrez hefur þurft sinn tíma til að aðlagast og klúðraði vítaspyrnu í lokin gegn Liverpool.

Meiðsli?
City hefur verið án Kevin De Bruyne stærstan hluta tímabilsins en ætti að snúa aftur um helgina.

Hvað er framundan?
Allir eru búnir að merkja við 11. nóvember á dagatalinu, þá er Manchester slagurinn.



CHELSEA, 2. sæti, 20 stig

Hvernig hefur gengið á tímabilinu hingað til?
Stuðningsmenn Chelsea geta ekki kvartað yfir byrjun tímabilsins undir stjórn Maurizio Sarri. Sarri-boltinn er strax farinn að sjást á liðinu.

Hver hefur verið aðalmaðurinn?
Það er ekki hægt að nefna annan mann en Eden Hazard. Belginn hefur verið á eldi og Chelsea leggur alla áherslu á að halda honum.

Næstu sex leikir:
Manchester United (H), 20. október
BATE Borisov (H), 25. október (Evrópudeildin)
Burnley (Ú), 28. október
Derby (H), 31. október (Deildabikarinn)
Crystal Palace (H), 4. nóvember
BATE Borisov (Ú), 8. nóvember (Evrópudeildin)

Hver hefur bætt sig mest?
Ross Barkley er byrjaður að skína undir stjórn Sarri.

Hver þarf að gera betur?
Alvaro Morata og Olivier Giroud. Þeir þurfa að létta aðeins á Hazard.

Meiðsli?
Sarri getur brosað yfir því að Hazard kom heill úr landsleikjaglugganum.

Hvað er framundan?
Það er snúinn leikur gegn Jose Mourinho á Stamford Bridge um helgina.



LIVERPOOL, 3. sæti, 20 stig

Hvernig hefur gengið á tímabilinu hingað til?
Liverpool er búið að mæta Tottenham, Chelsea og Manchester City en hefur enn ekki tapað. Ef Klopp hefði boðist þessi staða fyrir tímabilið hefði hann þegið hana án þess að hika.

Hver hefur verið aðalmaðurinn?
Virgil van Dijk. Liverpool hefur aðeins fengið á sig þrjú deildarmörk. Koma Van Dijk hefur öllu breytt.

Næstu sex leikir:
Huddersfield (Ú), 20. október
Rauða Stjarnan (H), 24. október (Meistaradeildin)
Cardiff (H), 27. október
Arsenal (Ú), 3. nóvember
Rauða stjarnan (Ú), 6. nóvember (Meistaradeildin)
Fulham (H), 11. nóvember

Hver hefur bætt sig mest?
Joe Gomez verður betri og betri. Hefur verið mjög traustur við hlið Van Dijk.

Hver þarf að gera betur?
Mohamed Salah þarf að ná að stilla miðið betur.

Meiðsli?
Van Dijk, Salah, Sadio Mane, James Milner og Naby Keita fengu högg í landsliðverkefnum. Alex Oxlade-Chamberlain er enn á meiðslalistanum.

Hvað er framundan?
Klopp yrði mjög svekktur ef hann fær ekki fullt hús úr þeim þremur leikjum sem eftir eru í október.



ARSENAL, 4. sæti, 18 stig

Hvernig hefur gengið á tímabilinu hingað til?
Eftir hikst í byrjun hefur Arsenal komist á beinu brautina. Miðað við allar breytingarnar geta menn verið mjög ánægðir með níu sigurleiki í röð.

Hver hefur verið aðalmaðurinn?
Alexandre Lacazette var svekktur að missa af landsliðssæti hjá Frökkum á HM. En hann hefur svarað höfnuninni vel og verið frábær með Arsenal.

Næstu sex leikir:
Leicester (H), 22. október
Sporting Lissabon (Ú), 25. október (Evrópudeildin)
Crystal Palace (Ú), 28. október
Blackpool (H), 31. október (Deildabikarinn)
Liverpool (H), 3. nóvember
Sporting Lissabon (H), 8. nóvember (Evrópudeildin)

Hver hefur bætt sig mest?
Alex Iwobi er meðal leikmanna sem hafa bætt sig mikið undir stjórn Emery.

Hver þarf að gera betur?
Mesut Özil hefur mikla hæfileika og þarf að sýna það oftar. Sama á við um Henrikh Mkhitaryan.

Meiðsli?
Laurent Koscielny, Danny Welbeck, Petr Cech og Sokratis eru á meiðslalistanum en Emery er með stóran hóp.

Hvað er framundan?
Dagskráin framundan virðist nokkuð þægileg.



TOTTENHAM, 5. sæti, 18 stig

Hvernig hefur gengið á tímabilinu hingað til?
Besta byrjun Tottenham frá stofnun úrvalsdeildarinnar. Samt er eins og þeir séu ekki að ná fram því besta.

Hver hefur verið aðalmaðurinn?
Lucas Moura. Brasilíumaðurinn var stjarna sýningarinnar gegn Manchester United á Old Trafford og hefur verið aðalkallinn hingað til.

Næstu sex leikir:
West Ham (Ú), 20. október
PSV (Ú), 24. október (Meistaradeildin)
Manchester City (H), 29. október
West Ham (Ú), 31. október (Deildabikarinn)
Wolves (Ú), 3. nóvember
PSV (Ú), 6. nóvember (Meistaradeildin)

Hver hefur bætt sig mest?
Moura er valinn aftur.

Hver þarf að gera betur?
Hugo Lloris. Geggjaður með franska landsliðinu og þarf að gera það sama fyrir Tottenham.

Meiðsli?
Jan Vertonghen, Christian Eriksen, Dele Alli, Mousa Dembele og Danny Rose hafa verið að glíma við meiðsli. Þá eru áhyggjuraddir um standið á Harry Kane eftir langt sumar á HM í Rússlandi.

Hvað er framundan?
Snúnir leikir á næstu grösum.



MAN UNITED, 8. sæti, 13 stig

Hvernig hefur gengið á tímabilinu hingað til?
Alls ekki nægilega góð. Mourinho og lærisveinar voru fljótir að dragast aftur úr.

Hver hefur verið aðalmaðurinn?
Einfalt. David de Gea. Enn besti leikmaðurinn hjá félaginu og besti markvörður deildarinnar.

Næstu sex leikir:
Chelsea (Ú), 20. október
Juventus (H), 23. október (Meistaradeildin)
Everton (H), 28. október
Bournemouth (Ú), 3. nóvember
Juventus (Ú), 7. nóvember (Meistaradeildin)
Manchester City (Ú), 11. nóvember

Hver hefur bætt sig mest?
Luke Shaw. Aftur valinn í enska landsliðið vegna góðrar frammistöðu með Manchester United.

Hver þarf að gera betur?
Alexis Sanchez. Sigurmarkið gegn Newcastle afsakar ekki frammistöðu hans á heildina fyrir United. Hann er á himinháum launum og verður að gera meira.

Meiðsli?
Jesse Lingard, Ander Herrera, Shaw, Nemanja Matic, Scott McTominay, Marouane Fellaini og Marcos Rojo eru að heimsækja læknateymið.

Hvað er framundan?
Manchester United er á leið í leiki sem geta skipt öllu máli fyrir tímabilið.
Stöðutaflan England Premier league - karlar
  L U J T ms: mf: mun Stig
1 Arsenal 28 20 4 4 70 24 +46 64
2 Liverpool 28 19 7 2 65 26 +39 64
3 Man City 28 19 6 3 63 28 +35 63
4 Aston Villa 29 17 5 7 60 42 +18 56
5 Tottenham 28 16 5 7 59 42 +17 53
6 Man Utd 28 15 2 11 39 39 0 47
7 West Ham 29 12 8 9 46 50 -4 44
8 Brighton 28 11 9 8 50 44 +6 42
9 Wolves 28 12 5 11 42 44 -2 41
10 Newcastle 28 12 4 12 59 48 +11 40
11 Chelsea 27 11 6 10 47 45 +2 39
12 Fulham 29 11 5 13 43 44 -1 38
13 Bournemouth 28 9 8 11 41 52 -11 35
14 Crystal Palace 28 7 8 13 33 48 -15 29
15 Brentford 29 7 5 17 41 54 -13 26
16 Everton 28 8 7 13 29 39 -10 25
17 Luton 29 5 7 17 42 60 -18 22
18 Nott. Forest 29 6 7 16 35 51 -16 21
19 Burnley 29 4 5 20 29 63 -34 17
20 Sheffield Utd 28 3 5 20 24 74 -50 14
Athugasemdir
banner
banner
banner
banner