Það er ekkert leyndarmál að það er hálaunastarf að vera leikmaður í ensku úrvalsdeildinni. Mirror opinberaði hvaða leikmaður er launahæstur í hverju liði ensku úrvalsdeildarinnar.
Arsenal: Mesut Özil - Þjóðverjinn er launahæstur í sögu Arsenal með 350 þúsund pund í vikulaun.
Bournemouth: Jermain Defoe - Er með rúmlega 100 þúsund pund í vikulaun en hefur ekki byrjað deildarleik á tímabilinu.
Brighton and Hove Albion: Jose Izquierdo (á mynd) og Jurgen Locadia eru með 45 þúsund pund í vikulaun.
Burnley: Sex leikmenn eru sagðir launahæstir hjá Burnley, með 35 þúsund pund í vikulaun - obbie Brady, Jack Cork, Steven Defour, Tom Heaton, Jeff Hendrick og Chris Wood (á mynd).
Cardiff: Harry Arter - Lánsmaðurinn frá Bournemouth er launahæstur hjá Cardiff sem er með lægsta launakostnað í deildinni.
Chelsea: Eden Hazard - Ekkert óvænt hér. Belginn geggjaði er með 200 þúsund pund í vikulaun.
Crystal Palace: Wilfred Zaha - Mikilvægasti leikmaður Palace með er um 130 þúsund pund í vikulaun.
Everton: Gylfi Þór Sigurðsson - Okkar maður er með um 150 þúsund pund í vikulaun. Bernard og Richarlison eru á svipuðum launum.
Fulham: Aleksandar Mitrovic - Serbinn er kominn með fimm mörk og er með um 50 þúsund pund í vikulaun.
Huddersfield: Alex Pritchard - Keyptur frá Norwich í janúar og er með um 110 þúsund pund í vikulaun.
Leicester City: Jamie Vardy - Markahrókurinn er með um 100 þúsund pund á viku.
Liverpool: Mo Salah - Skrifaði undir nýjan samning við félagið í sumar. Velgengnin á síðasta tímabili færir honum 200 þúsund pund í vikulaun.
Manchester City: Kevin De Bruyne - City borgar vel og De Bruyne er einn launahæsti leikmaður heims með 350 þúsund pund í vikulaun.
Manchester United: Alexis Sanchez - Sagt er að hann græði 500 þúsund pund á viku. Er ekki að vinna fyrir laununum.
Newcastle United: Jonjo Shelvey - Það er ólga hjá Newcastle en Jonjo er með 70 þúsund pund í vikulaun.
Southampton: Manolo Gabbiadini - Leit vel út þegar hann kom fyrst en svo hefur Ítalinn haft hægt um sig.
Tottenham: Harry Kane - Tvöfaldaði laun sín með nýjum samningi fyrr á árinu og er með 200 þúsund pund í vikulaun.
Watford: Andre Gray - 70 þúsund pund í vikulaun.
West Ham: Javier Hernandez - Stuðningsmenn West Ham voru í skýjunum þegar þeir fengu Chicharito en hann hefur ekki staðið undir 140 þúsund punda vikulaununum.
Wolves: Ruben Neves - Ekkert óvænt hér.
Athugasemdir
