Joe Hart hefur verið heiðraður fyrir 12 ár sín hjá Manchester City en á tíma sínum hjá félaginu tókst liðinu að tryggja sér sigur í ensku úrvalsdeildinni tímabilið 2011-12 og 2013-14.
Manchester City hefur ákveðið að nefna einn æfingavöll félagsins í höfuðið á markverðinum. Hart spilar nú með Burnley en hann lék yfir 300 leiki fyrir City á tólf ára tímabili. Hann missti sæti sitt í liðinu eftir að Pep Guardiola tók við og hefur verið á flakki síðustu ár.
Hart mun verða heiðraður fyrir leik City og Burnley um helgina þar sem honum verður veitt mósaík stytta ásamt því að fá lífstíðarpassa á völlinn.
Athugasemdir