Þórir er mættur í Kópavoginn.
Framherjinn Þórir Guðjónsson sem spilað hefur með Fjölni undanfarin ár er nú genginn í raðir Breiðabliks.
Þórir gerir tveggja ára samning við Breiðablik. Hann hefur spilað alls 164 meistaraflokksleiki og skorað í þeim 44 mörk. Þórir ólst upp hjá Fram og Val en gekk í raðir Fjölnis árið 2011. Framherjinn öflugi spilaði á sínum tíma níu leiki fyrir yngri landslið Íslands.
Ágúst Gylfason, þjálfari Breiðabliks þekkir Þóri vel og sér tækifæri í því að koma framherjanum aftur í gang en hann skoraði einungis þrjú mörk í sumar þegar Fjölnir féll. Þórir mun því spila í Pepsi deildinni á næsta tímabili og það er von að hann nái sér á strik næsta sumar.
Sóknarmaðurinn Þórir Guðjónsson hefur ákveðið að ganga til liðs við Blikaliðið. Þórir, sem hefur undanfarin ár spilað með Fjölni, gerði í dag tveggja ára samning við knattspyrnudeild Breiðabliks. https://t.co/fL1ZmmlPcx pic.twitter.com/gZcU7vFxa6
— Breiðablik FC (@BreidablikFC) October 19, 2018
Athugasemdir
