Vinirnir á hliðarlínunni í gær.
Huddersfield tók á móti Liverpool í síðdegisleiknum í ensku úrvalsdeildinni í gær. Leiknum lauk með 1-0 sigri Liverpool en sigurmarkið skoraði Mo Salah í fyrri hálfleik.
Stjórar liðanna, David Wagner og Jurgen Klopp eru mjög góðir vinir en þeir störfuðu saman í þjálfarateymi Dortmund á sínum tíma. Ekki nóg með það en þá var Wagner svaramaður í brúðkaupi Klopp, sem segir kannski mikið um þeirra vináttu.
Þeir mættu saman í viðtal hjá BT-Sport eftir leikinn í gær þar sem Wagner var spurður út í slæmt gengi en liðið hefur ekki enn unnið leik.
Þegar Wagner ætlaði að svara þessari spurningu blaðamanns þá greip Klopp inn í og kom vini sínum til varnar.
„Ég hef horft á flesta leiki flesta leiki Huddersfield á tímabilinu og ef þið skoðið bara liðin sem að þeir hafa verið að mæta í þessum fyrstu níu leikjum. Liverpool, Chelsea, Manchester City, Tottenham, Leicester, Everton og Burnley á útivelli. Ég er að gleyma einhverjum einum leik. "
„Þú skoðar ekki þetta leikjaplan og hugsar að þú ætlir þér að ná 24 stigum út úr þessari leikjum. Þetta er erfiðasta leikjaprógram sem ég hef séð."
Myndband af þessu má sjá hér að neðan.
👍 | This is amazing from Jurgen. pic.twitter.com/Vcwbsdr9eM
— Watch LFC (@Watch_LFC) October 21, 2018
Athugasemdir
