Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   sun 21. október 2018 23:18
Brynjar Ingi Erluson
MLS: Zlatan skoraði og lagði upp í sigri LA Galaxy
Zlatan Ibrahimovic er kóngurinn í Los Angeles Galaxy
Zlatan Ibrahimovic er kóngurinn í Los Angeles Galaxy
Mynd: Getty Images
Zlatan Ibrahimovic skoraði fyrsta mark Los Angeles Galaxy í 3-1 sigri á Minnesota United í Vesturdeild MLS-deildarinnar í kvöld en sigur í lokaumferðinni tryggir sæti í úrslitakeppnina.

Zlatan skoraði fyrsta mark leiksins með skalla eftir góða fyrirgjöf frá hægri áður en Ola Kamara bætti við öðru í byrjun síðari hálfleiks eftir sendingu frá Ashley Cole.

Zlatan lagði upp þriðja mark Galaxy en það var ítalski vængmaðurinn Romain Alessandrini sem gerði markið og lokatölur 3-1 fyrir Galaxy sem er í sjöunda sæti Vesturdeildarinnar með 48 stig, stigi minna en Real Salt Lake,

Salt Lake er búið að spila alla sína leiki en liðið tapaði fyrir Portland Timbers í kvöld, 3-0.

Galaxy spilar lokaleik sinn eftir viku gegn Houston Dynamo og þarf liðið í það minnsta stig úr þeirri viðureign til að komast í úrslitakeppnina.
Athugasemdir
banner
banner
banner
banner