Franski sóknarmaðurinn Karim Benzema kom Real Madrid yfir gegn tékkneska félaginu Viktoria Plzen í Meistardeildinni í kvöld.
Þegar þessi frétt er skrifuð er staðan 2-0 fyrir Real Madrid. Benzema kom Madrídingum yfir á 11. mínútu og brasilíski vinstri bakvörðurinn Marcelo gerði annað markið á 55. mínútu.
Þegar þessi frétt er skrifuð er staðan 2-0 fyrir Real Madrid. Benzema kom Madrídingum yfir á 11. mínútu og brasilíski vinstri bakvörðurinn Marcelo gerði annað markið á 55. mínútu.
Þetta er fyrsta mark Benzema í Meistaradeildinni á tímabilinu en hann hefur núna skorað 14 tímabil í röð í Meistaradeildinni.
Hann er á sínu tíunda tímabili hjá Real Madrid og öll tímabilin hefur hann skorað í Meistaradeildinni. Þar áður hafði hann skorað í fjögur tímabil í röð í keppninni með Lyon.
Aðeins tveir leikmenn hafa afrekað það sama og Benzema, þ.e.a.s. að skora 14 tímabil í röð í Meistaradeildinni. Þessir tveir leikmenn eru Lionel Messi og Raul, sem lék með Real Madrid lengi vel.
Benzema, sem hefur oft verið gagnrýndur fyrir frammistöðu sína með Real, er þá kominn í fjórða sæti á listanum yfir markahæstu leikmenn í sögu Meistaradeildarinnar með 57 mörk.
14 - Karim Benzema has become the third player in Champions League history to score in 14 consecutive seasons, after Lionel Messi and Raul Gonzalez. Delicatessen. pic.twitter.com/Wg3TzwfKQ9
— OptaJose (@OptaJose) October 23, 2018
Athugasemdir
