Hann var sérstaklega hrifinn af varnarmönnunum Leonardo Bonucci og Giorgio Chiellini. Mourinho hefði eflaust ekkert á móti því að hafa þá tvo í sínu liði í staðinn fyrir þá valkosti sem hann er með núna.

„Við spiluðum gegn einu af þeim liðum sem er líklegast til að vinna Meistaradeildina," sagði Mourinho og bætti við: „Hr. Chiellini og Hr. Bonucci gætu kennt námskeið í Harvard-háskólanum um varnarleik."

Mourinho reyndi að næla í Bonucci í sumar en það tókst ekki. Hann vildi frekar fara „heim" til Juventus.