Wayne Rooney mun taka landsliðsskóna aftur af hillunni í síðasta skipti er England tekur á móti Bandaríkjunum í góðgerðarlandsleik á Wembley 15. nóvember. Þetta staðfesti enska knattspyrnusambandið í dag.
Rooney er markahæstur í sögu enska landsliðsins og verður þetta hans 120. landsleikur. Allur ágóði af leiknum mun renna til Wayne Rooney Foundation og annarra góðgerðarsamtaka.
Rooney spilaði síðast í 3-0 sigri gegn Skotlandi fyrir tveimur árum en hann lagði landsliðsskóna á hilluna þegar hann var beðinn um að spila með liðinu í fyrra.
Margir furðuðu sig á því þegar Rooney hætti með landsliðinu því hann er aðeins sex leikjum frá leikjameti Peter Shilton, sem lék 125 A-landsleiki.
Rooney hefur verið að gera góða hluti með DC United í MLS deildinni upp á síðkastið.
Athugasemdir
