Hinn þrítugi Mata verður samningslaus næsta sumar og hann hefur ekki ennþá fengið boð um nýjan samning.

Síðastliðinn vetur nýtti Manchester United sér ákvæði um eins árs framlengingu í samningi Mata sem kom til Manchester United frá Chelsea á 37,1 milljón punda í janúar 2014.

Erlend félög mega hefja viðræður við Mata eftir áramót og vitað er af áhuga spænskra félaga á honum.

Sjálfur vill Mata helst vera áfram hjá United og ef það gengur ekki er líklegt að hann reyni að fara í annað enskt félag. Arsenal hefur meðal annars verið nefnt í því samhengi.