„Við vinnum leiki og eftir á þurfum við að biðjast afsökunar fyrir að vinna þá ekki eins og City gerir. Ég veit að við getum bætt okkur en það er engin ástæða til að horfa neikvætt á þetta," sagði Klopp.

Liverpool er tveimur stigum á eftir City í ensku úrvalsdeildinni en ensku meistararnir eru með 29 mörk í plús í markatölu á meðan Liverpool er með 16.

„Fólk virðist horfa þannig á það að þetta tímabil verði einungis gott ef við verðum meistarar."

„Þið verðið að muna að keppinautar okkar eru meistarar síðustu tveggja tímabila (City og Chelsea) og fersk lið Arsenal, Tottenham og Manchester United eru líka þarna. En við reynum að vinna allt."