fös 09. nóvember 2018 15:23
Elvar Geir Magnússon
Glenn orðaður við endurkomu í ÍBV
Glenn lék með ÍBV 2014 og 2015.
Glenn lék með ÍBV 2014 og 2015.
Mynd: Fótbolti.net - Hafliði Breiðfjörð
Sagan segir að sóknarmaðurinn Jonathan Glenn gæti gengið aftur í raðir ÍBV. Hann lék með Fylki í sumar og skoraði sjö mörk í fjórtán leikjum.

Samkvæmt heimasíðu KSÍ er hann samningsbundinn Fylkismönnum út næsta tímabil en einhverjar hræringar eru sagðar í gangi.

Glenn er 31 árs og spilaði í fyrra fyrir North Carolina FC í B-deild bandaríska fótboltans.

Hann hefur spilað sex landsleiki fyrir Trínidad og Tóbagó og skorað eitt mark.

Glenn skoraði 16 mörk í 32 leikjum fyrir ÍBV í Pepsi-deildinni 2014 og 2015 og gekk svo í raðir Breiðabliks.

ÍBV hafnaði í sjötta sæti Pepsi-deildarinnar á liðnu tímabil en Fylkir í því áttunda.
Athugasemdir
banner
banner
banner