Leikur Belgíu og Íslands í Þjóðadeildinni í kvöld fer fram á King Baudouin leikvangnum, þjóðarleikvangi Belgíu.
Leikvangurinn hét áður Heysel völlurinn en á honum varð harmleikur árið 1985 þegar 39 fótboltaáhorfendur týndu lífi.
Juventus og Liverpool áttust þá við í úrslitaleik Evrópukeppninnar en fyrir leikinn var óttast að fótboltabullulæti myndu eiga sér stað. Sá ótti var á rökum reistum.
Leikvangurinn hét áður Heysel völlurinn en á honum varð harmleikur árið 1985 þegar 39 fótboltaáhorfendur týndu lífi.
Juventus og Liverpool áttust þá við í úrslitaleik Evrópukeppninnar en fyrir leikinn var óttast að fótboltabullulæti myndu eiga sér stað. Sá ótti var á rökum reistum.
Af þeim 39 sem létust voru 32 Ítalir en veggur gaf sig þegar fólk var að flýja slagsmál í stúkunni. Fórnarlömbin krömdust til dauða.
UEFA fékk mikla gagnrýni fyrir skipulag sitt í kringum leikinn og fyrir að þessi leikvangur var valinn vettvangur fyrir úrslitaleikinn, í ljósi þess að hann var í mjög slæmu ástandi og vitað að öryggisatriði væru ekki í lagi.
Leikvangurinn var endurreistur 1995 en hann tekur 50 þúsund áhorfendur. Það er þó áhorfendabann í gangi í landsleikjum vegna heimsfaraldursins og því tómlegt á leikvanginum stóra í kvöld.
Leikur Belgíu og Íslands hefst 18:45.
Athugasemdir