Mateo Kovacic, miðjumaður Chelsea og króatíska landsliðsins, fór í stutt og laggott viðtal við króatíska vefmiðilinn 24 Sata.
Í viðtalinu var hann spurður hvort hann teldi Liverpool eiga möguleika á Englandsmeistaratitlinum og svaraði því neitandi, ekki meðan þeir eru með Dejan Lovren í liðinu.
Kovacic og Lovren eru liðsfélagar í króatíska landsliðinu og gegna báðir hlutverki í toppbaráttunni, þar sem tvö stig skilja liðin að í öðru og þriðja sæti deildarinnar.
„Liverpool verður ekki Englandsmeistari. Af hverju? Því Dejan Lovren er í liðinu," sagði hann og uppskar hlátrasköll.
Kovacic og Lovren komu saman upp gegnum unglingastarf Dinamo Zagreb og eru miklir vinir.
Athugasemdir