mið 14. nóvember 2018 14:30
Magnús Már Einarsson
Nokkrir öflugir á meiðslalistanum hjá Belgum
Icelandair
Gylfi og Vertonghen verða báðir fjarri góðu gamni á morgun.
Gylfi og Vertonghen verða báðir fjarri góðu gamni á morgun.
Mynd: Fótbolti.net - Hafliði Breiðfjörð
Meiðslalisti íslenska landsliðsins fyrir leikinn gegn Belgum er ótrúlega langur en alls eru tíu leikmenn fjarverandi. Belgar verða einnig án fastamanna í leiknum annað kvöld þó að meiðslalisti þeirra sé ekki jafn langur.

Kevin De Bruyne miðjumaður Manchester City og Jan Vertonghen varnarmaður Tottenham eru báðir meiddir en þeir eru fastamenn í byrjunarliði Belga.

Thomas Vermaelen tók stöðu Vertonghen gegn Sviss í síðasta mánuði en nú er Vermaelen einnig frá keppni. Því kemur nýr maður inn í vörnina á morgun.

Marouane Fellaini miðjumaður Manchester United og Mousa Dembele miðjumaður Tottenham eru einnig fjarverandi vegna meiðsla.

Þá er óvist hvort að Romelu Lukaku framherji Manchester United verði með á morgun en hann hefur verið að glíma við meiðsli undanfarnar vikur.

Smelltu hér til að sjá belgíska hópinn
Athugasemdir
banner
banner
banner