„Það var mjög gaman að fá þarna nokkrar mínútur. Þetta fer beint í reynslubankann."

Jón átti skot undir lok leiksins fyrir utan teig sem endaði beint í fanginu á Courtouis en Jón segist ekki hafa verið hræddur við það að láta vaða.

„Það var ekkert spes, en ég náði þó skotinu. Maður reyndi að nýta þessar fáu mínútur sem að maður fékk, þær voru ekkert margar. Ég ákvað bara að keyra á þetta, við vorum 2-0 undir og höfðum engu að tapa."

„Leiðinlegt að það séu svona margir að meiðast en það jók kannski möguleikana mína á því að fá fleiri mínútur."

Íslenska liðið leikur æfingaleik við Katar í næstu viku og segist Jón spenntur fyrir þeim leik.

„Við förum í þann leik til þess að vinna hann. Ég lofa betra skoti á móti þeim ef ég fæ mínútur í þeim leik," sagði Jón léttur að lokum.