Atli Guðnason skrifaði í dag undir eins árs framlengingu á samning sínum við FH. Þetta kemur fram á Twitter reikning FH-inga.
Mikil óvissa ríkti með framtíð Atla eftir tímabilið en hann var samningslaus.
Atli kom við sögu í tuttugu leikjum FH í Pepsideildinni í sumar og skoraði hann í þeim tvö mörk. Hann lék fjóra leiki í Mjólkurbikarnum og gerði þrjú mörk þar.
Atli hefur leikið 343 meistaraflokksleiki fyrir FH og skorað í þeim 89 mörk.
„Atli Guðna er án nokkurs vafa besti leikmaður félagsins og minn besti samherji 'by a mile, " sagði Atli Viðar Björnsson, leikmaður FH um liðsfélaga sinn í heimildarþáttum sem gerðir voru um Atla Viðar.
Gleðifréttir úr Kaplakrika. Atli Guðnason skrifaði í dag undir nýjan samning við FH sem gildir út tímabilið 2019. Atli Guðna hefur spilað 343 leikir fyrir FH og skorað 89 mörk. #ViðerumFH #fotboltinet pic.twitter.com/mx1VrgYcM7
— FHingar.net (@fhingar) November 16, 2018
Athugasemdir