lau 17. nóvember 2018 06:00
Brynjar Ingi Erluson
Milan og Juventus sýna Fabinho áhuga
Fabinho í leik með Liverpool
Fabinho í leik með Liverpool
Mynd: Getty Images
Ítölsku félögin AC Milan og Juventus fylgjast grannt með stöðu Fabinho hjá enska úrvalsdeildarfélaginu Liverpool en ítalskir miðlar greina frá þessu í dag.

Liverpool keypti Fabinho frá Mónakó í sumar en hann hefur átt í erfiðleikum með að koma sér inn í liðið. Hann hefur aðeins spilað átta leiki til þessa og eru félög farin að fylgjast með stöðu hans.

Samkvæmt Mediaset þá hefur AC Milan gríðarlega mikinn áhuga á Fabinho auk þess sem Juventus hefur fylgst með honum.

Liðin eru bæði í leit að miðjumönnum. Lucas Biglia og Giacomo Bonaventura eru meiddir og þá er Emre Can meiddur hjá Juventus.


Athugasemdir
banner
banner
banner
banner