Marco Asensio, leikmaður Real Madrid á Spáni, vill yfirgefa félagið og semja við ítalska félagið Juventus. Tuttosport greinir frá þessu.
Asensio sem er einn efnilegasti miðjumaður heims hefur verið í aukahlutverki hjá Madrídingum síðustu tvö árin en gæti fengið stærra hlutverk hjá Juventus.
Það heillar Asensio að spila aftur með Cristiano Ronaldo og þá hefur hann rætt við Alvaro Morata, framherja Chelsea, um það hvernig var að búa á Ítalíu.
Tuttosport segir að Asenso sé hrifinn af hugmyndinni að vaxa hjá Juventus en hann horfir þar á dæmi á borð við Morata og Paul Pogba, sem blómstruðu undir Allegri og auðvitað Antonio Conte.
Athugasemdir