Ryan Giggs, þjálfari velska landsliðsins, var stoltur þrátt fyrir 2-1 tap liðsins gegn Dönum í Þjóðadeildinni í gær.
Danska liðið komst tveimur mörkum yfir í leiknum áður en Gareth Bale minnkaði muninn undir leikslok.
Þetta var alger úrslitaleikur um sæti í A-deildinni en Danir höfðu betur og spila þar í næstu keppni. Wales heldur sæti sínu í B-deildinni.
„Ég er stoltur af strákunum því þeir börðust allan tímann og þeir náðu að heilla mig og stuðningsmennina upp úr skónum," sagði Giggs.
„Ég hef notið þess að vera í Þjóðadeildinni. Þetta hafa verið góðir leikir og við hefðum getað unnið þetta í síðasta leik en svona er þetta," sagði hann í lokin.
Athugasemdir