Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 17. nóvember 2018 12:00
Guðmundur Aðalsteinn Ásgeirsson
Heimild: BBC 
Munu nota skæri, blað, stein til að styðja kollega sinn
Marcelo og Cristiano Ronaldo taka skæri, blað, stein á æfingu.
Marcelo og Cristiano Ronaldo taka skæri, blað, stein á æfingu.
Mynd: Getty Images
Myndin tengist fréttinni ekki beint.
Myndin tengist fréttinni ekki beint.
Mynd: Fótbolti.net - Hafliði Breiðfjörð
Á dögunum bárust þau tíðindi að dómari á Englandi hefði verið sendur í leyfi fyrir að nota skæri, blað, stein til að ákveða hvaða lið myndi byrja með boltann.

Dómarinn David McNamara var að dæma kvennaleik Manchester City og Reading í ensku kvennadeildinni en gleymdi smámyntinni fyrir peningakastið í dómaraherberginu.

Í stað þess að sækja myntina ákvað McNamara að láta fyrirliðana fara í kínverska leikinn skæri, blað, steinn til að skera úr um hvort liðið fengi að byrja með boltann.

Enska knattspyrnusambandið var ekki sátt með þessa ákvörðun McNamara og hefur sent hann í launalaust leyfi í þrjár vikur.

Kollegar McNamara í dómarastéttinni ætla að sýna honum stuðning með því að nota skæri, blað, stein fyrir upphafsspark um helgina.

Dómarinn, Ryan Hampson, sem dæmir hjá yngri flokkunum í Bretlandi, sagði við BBC:

„Ég ætla að taka skæri, blað, stein fyrir leik minn um helgina til þess að sýna stuðning í garð David," sagði Hampson. „Mér finnst meðferðin sem hann fékk fáránleg."

Hampson segir jafnframt að liðin sem hann sé að fara að dæma hjá séu bæði til í að taka þátt í þessu. Hann segir að fleiri dómarar ætli að taka þátt í þessu en BBC kveðst hafa heimildir fyrir því að fjölmargir dómarar ætli að gera eins og Hampson.

Annar dómari segir við BBC að það sé ekki skrýtið að það sé ekki verið að sækjast eftir því að gerast dómari. Hann bendir á atvik um síðustu helgi í Írlandi þar sem ráðist var á dómara í áhugamannaleik. Dómarinn, Daniel Sweeney, kjálkabrotnaði.

„Allar rannsóknir sýna að dómurum sé að fækka og ég býst við að það sé vegna þeirrar misnotkunar sem við verðum fyrir. Svo refsar enska knattspyrnusambandið fyrir svona hluti. Af hverju ættirðu að vilja taka upp flautuna," sagði dómarinn við BBC.

Keith Hackett, fyrrum yfirmaður dómaramála á Englandi, hefur sent Martin Glenn, framkvæmdastjóra enska knattspyrnusambandsins, kvörtunarbréf vegna þeirrar ákvörðuna að senda McNamara í leyfi.
Athugasemdir
banner
banner
banner
banner