Brasilíski miðjumaðurinn Casemiro tognaði á ökkla í 2-4 sigri gegn Celta Vigo og verður því frá í mánuð.
Hann mun því missa af mikilvægum leik gegn Roma í riðlakeppni Meistaradeildarinnar.
Casemiro hefur verið algjör lykilmaður í liði Real Madrid undanfarin ár og unnið Meistaradeildina fjórum sinnum á síðustu fimm árum.
Real Madrid heimsækir Ólympíuleikvanginn í Róm 27. nóvember og eru liðin að keppa úrslitaleik um toppsæti riðilsins. Real vann heimaleikinn 3-0 en tapaði svo á útivelli gegn CSKA Moskvu.
Dani Ceballos er líklegastur til að fylla í skarðið og mynda öfluga miðju ásamt Toni Kroos og Luka Modric.
Athugasemdir