mán 19. nóvember 2018 09:30
Magnús Már Einarsson
Southgate: Kane er er besti markaskorari í heimi
Magnaður markaskorari.
Magnaður markaskorari.
Mynd: Getty Images
Gareth Southgate, landsliðsþjálfari Englendinga, sparaði ekki hrósið á Harry Kane eftir 2-1 sigurinn á Króatíu í gær.

Kane, sem er fyrirliði enska landsliðsins skoraði sigurmarkið undir lokin og tryggði liðinu um leið sæti í undanúrslitum Þjóðadeildarinnar.

Þetta var fyrsta mark Kane með enska landsliðinu í átta leikjum en Southgate tók upp hanskann fyrir hann eftir leik.

„Hann er besti markaskorari í heimi," sagði Southgate ákveðinn eftir leik.

„Hann er aðalvítaskytta okkar, leiðtogi og hann er mikilvægur í spilinu hjá okkur. Við höfum mikla trú á honum og hann er hungraður í að leiða liðið lengra."
Athugasemdir
banner
banner
banner
banner