Varnarmennirnir Dejan Lovren og Sergio Ramos eru langt frá því að vera einhverjir perluvinir.
Ramos er ekki vinsæll hjá Liverpool-mönnum eftir að Mohamed Salah fór meiddur af velli í úrslitaleik Meistaradeildarinnar eftir viðskipti við hann.
Lovren lét Ramos heyra það í síðustu viku eftir sigur Króatíu á Spáni. „Ég náði að gefa honum gott olnbogaskot," sagði Lovren sem hélt beina útsendingu á Instagram eftir leikinn. Hann virtist nokkuð ánægður með gjörðir sínar.
Ramos virðist hafa svarað Lovren á óbeinan hátt en hann „lækaði" mynd á Instagram af þeim félögum.
Á myndinni heldur Ramos á Meistaradeildarbikarnum en Lovren er grátandi eftir að hafa tapað úrslitaleiknum.
Hér að neðan er myndin sem Ramos „lækaði." Þetta er líklega ekki það síðasta sem mun gerast í samskiptum þeirra.
Sergio Ramos you loveable sh*thouse 😂 pic.twitter.com/obAbbXxCr4
— United Xtra (@utdxtra) November 18, 2018
Athugasemdir
