Þremur mörkum frá markametinu
Kolbeinn Sigþórsson var að koma Íslandi yfir í vináttulandsleiknum gegn Katar. Staðan er 2-1 fyrir Ísland.
Katar komst 1-0 yfir en Íslandi jafnaði með aukaspyrnumarki Ara Freys Skúlasonar.
Staðan var 1-1 í hálfleik en þegar liðnar voru 10 mínútur af síðari hálfleik fékk Íslandi vítaspyrnu eftir að boltinn fór í hendi varnarmanns Katar.
Kolbeinn Sigþórsson steig á punktinn og skoraði af feykilega miklu öryggi.
Það er mikið gleðiefni að sjá Kolbein skora aftur fyrir íslenska landsliðið en þetta er hans fyrsta landsliðsmark síðan gegn Frakklandi á Evrópumótinu 2016, hans fyrsta landsliðsmark í rúmlega tvö ár.
Kolbeinn hefur verið mikið frá vegna meiðsla síðustu ár en þetta er jafnframt fyrsti landsleikurinn sem hann byrjar síðan gegn Frakklandi á Evrópumótinu.
Þetta er 23. landsliðsmark Kolbeins í 48 landsleikjum. Hann vantar þrjú mörk til að jafna markamet Eiðs Smára Guðjohnsen.
Nú þarf Kolbeinn að stefna að því að komast í annað lið í janúar þar sem hann er í kuldanum hjá Nantes í Frakklandi.
Textalýsing Fótbolta.net frá leiknum.
Athugasemdir