„Það var kalt í dag. Ég held að við getum verið nokkuð sáttir, spiluðum fínt á köflum en getum bætt okkur helling," sagði Rúnar Alex Rúnarsson, markvörður íslenska landsliðsins, eftir 2-2 jafntefli gegn Katar í vináttulandsleik í kvöld.
Þetta var síðasti leikur ársins en íslenska liðið hefur núna farið í gegnum 13 leiki án þess að vinna.
Rúnar fékk gagnrýni á sig fyrir frammistöðuna í kvöld.
Þetta var síðasti leikur ársins en íslenska liðið hefur núna farið í gegnum 13 leiki án þess að vinna.
Rúnar fékk gagnrýni á sig fyrir frammistöðuna í kvöld.
Lestu um leikinn: Katar 2 - 2 Ísland
Fyrra mark Katar kom eftir aukaspyrnu utan af kanti. Leikmaður Katar virtist ætla að senda hann fyrir en boltinn rataði alla leið í netið. Leikmaður Katar skyggði á útsýnið hjá Rúnari.
Í seinna markinu var skotið yfir Rúnar en boltinn flökti nokkuð og erfitt var að ráða við hann.
„Ég hugsa að ég eigi að gera betur í fyrra markinu en það er erfitt að reikna með fluginu á þessum sundboltum sem við erum að spila með. Þetta var samt frábær aukaspyrna og ég var ekki alveg að búast við skotinu."
„Það eru ekki margir sem verja þetta skot í seinna markinu."
„Þetta er einhver slakasti bolti sem ég hef spilað með. Það eru bæði lið sem þurfa að spila með þennan bolta þannig að þetta er engin afsökun en þetta gerir líf mitt sem markvörður ekki auðveldara."
Viðtalið er í heild sinni hér að ofan.
Athugasemdir