Fjölmargir vináttulandsleikir fóru fram í kvöld á meðan Þjóðadeildin var í gangi en Frakkland vann Úrúgvæ á meðan Matteo Politano tryggði Ítölum sigur á Bandaríkjunum.
Brasilía vann Kamerún 1-0 en Richarlison gerði eina markið á 45. mínútu. Leikurinn fór fram á heimavelli MK Dons á Englandi ferðaðist fólk töluverðar vegalengdir til þess að sjá þennan leik og á þessum velli.
Neymar gat ekki boðið áhorfendum upp á sýningu þar sem hann fór meiddur af velli á 7. mínútu.
Olivier Giroud gerði sigurmark Frakklads gegn Úrúgvæ en það kom úr vítaspyrnu. Nú er Giroud fjórði markahæsti leikmaður franska landsliðsins frá upphafi. Hann ætti ekki að vera í erfiðleikum með að ná David Trezeguet sem er í þriðja sætinu með 34 mörk, einu marki meira en Giroud.
Kylian Mbappe, stjarna Frakklands, meiddist á 36. mínútu er hann lenti illa á öxlinni eftir að hann reyndi að gabba markvörð Úrúgvæ.
Christian Pulisic var svo fyrirliði bandaríska landsliðsins sem tapaði 1-0 fyrir Ítalíu. Yngsti fyrirliði í sögu Bandaríkjanna en Matteo Politano eyðilagði það augnablik fyrir honum með marki undir lok leiks eftir sendingu frá samherja sínum í Inter, Roberto Gagliardini.
Úrslit og markaskorarar:
Suður-Afríka 1 - 1 Paragvæ
0-1 Federico Santander ('32 )
1-1 Percy Tau ('90 )
Tyrkland 0 - 0 Úkraína
Albanía 1 - 0 Wales
1-0 Bekim Balaj ('58 , víti)
Brasilía 1 - 0 Kamerún
1-0 Richarlison ('45 )
Ítalía 1 - 0 Bandaríkin
1-0 Matteo Politano ('90 )
Frakkland 1 - 0 Úrúgvæ
1-0 Olivier Giroud ('52 , víti)
Athugasemdir