Landsliðsmarkvörðurinn Guðbjörg Gunnarsdóttir hefur framlengt samning sinn um eitt ár við sænska úrvalsdeildarfélagið Djurgarden.
Guðbjörg er 33 ára gömul en hún hefur verið í atvinnumennsku frá árinu 2009.
Hún fór þá til Djurgarden og gerði vel á þremur árum sínum þar áður en hún ákvað að flakka í norsku og þýsku deildina.
Hún lékk með Avaldsnes og Lilleström í Noregi en Turbine Potsdam í Þýskalandi.
Guðbjörg fór aftur til Djurgarden árið 2016 og hefur verið þar síðan en hún framlengdi samning sinn um eitt ár í gær.
Hún á 63 A-landsleiki að baki og hefur þá þrisvar sinnum farið á Evrópumótið með landsliðinu.
Athugasemdir