Björn Daníel í leik með FH árið 2013.
Björn Daníel Sverrisson, miðjumaður AGF í Danmörku, ætlar að snúa aftur í Pepsi-deildina næsta sumar. Þetta kemur fram á netmiðlinum mbl.is.
Fótbolti.net greindi frá því í gær að líklegt sé að Björn Daníel gangi til liðs við uppeldisfélag sitt FH en Íslandsmeistarar Vals hafa einnig sýnt honum áhuga.
Samningur Björns Daníels hjá AGf rennur út næsta sumar og hann ætlar sér heim eftir að hann rennur út.
Fótbolti.net greindi frá því í gær að líklegt sé að Björn Daníel gangi til liðs við uppeldisfélag sitt FH en Íslandsmeistarar Vals hafa einnig sýnt honum áhuga.
Samningur Björns Daníels hjá AGf rennur út næsta sumar og hann ætlar sér heim eftir að hann rennur út.
„Ég er bara að skoða hvað er í boði. Ég má náttúrulega ekki semja við neitt lið fyrr en í janúar þannig að það er ekkert stress á mér. Ég veit af áhuga þriggja til fjögurra liða en ég mun fara yfir stöðuna með umboðsmanni mínum í byrjun janúar,“ sagði Björn Daníel í samtali við mbl.is í morgun.
Hinn 28 ára gamli Björn Daníel spilaði í nokkur ár með FH í Pepsi-deildinni áður en hann fór til Viking í Noregi eftir sumarið 2013.
Björn Daníel hefur komið við sögu í 7 af 18 leikjum AGF í dönsku úrvalsdeildinni á þessu tímabili en liðið er í 11. sæti af 14 liðum.
Athugasemdir
