Króatinn Ivan Juric var í gær rekinn frá ítalska félaginu Genoa en þetta er í þriðja sinn sem Genoa rekur hann úr stjórastólnum.
Hann var fyrst rekinn í febrúar 2017 en ráðinn aftur í apríl sama ár. Hann tók við liðinu í þriðja sinn í október síðastliðnum en var rekinn í gær eftir tap gegn 3. deildarliðinu Virtus Entella í ítalska bikarnum.
Hann var fyrst rekinn í febrúar 2017 en ráðinn aftur í apríl sama ár. Hann tók við liðinu í þriðja sinn í október síðastliðnum en var rekinn í gær eftir tap gegn 3. deildarliðinu Virtus Entella í ítalska bikarnum.
Genoa er í 14. sæti ítölsku A-deildarinnar en nýr þjálfari liðsins er fyrrum landsliðsþjálfari Ítalíu, Cesare Prandelli.
Prandelli stýrði Ítalíu í úrslitaleik EM 2012 þar sem liðið tapaði 4-0 fyrir Spáni. Hann hætti eftir að Ítalíu mistókst að komast upp úr riðlakeppninni á HM 2014.
Síðan þá hefur hann starfað fyrir Galatasaray, Valencia og Al-Nasr en var fimmtán mánuði samtals hjá þessum þremur félögum.
Athugasemdir