Real Betis vann Rayo Vallecano á Benito Villamarín leikvangnum í kvöld. Með þessum úrslitum færist Real Betis nær Evrópudeildarsæti en Rayo Vallecano færist nær falli.

Betis er í sjöunda sæti, með jafn mörg stig og Levante sem er í sjötta sæti en það sæti gefur þátttökurétt í forkeppni Evrópudeildarinnar.

Rayo Vallecano er í 19. sæti sem er fallsæti, fjórum stigum frá öruggu sæti.

Argentínumaðurinn Giovani Lo Celso, lánsmaður frá PSG, skoraði fyrra mark Betis í kvöld en brasilíski miðvörðurinn Sidnei skoraði það síðara.