Javi Gracia, knattspyrnustjóri Watford á Englandi, var virkilega ósáttur með dómgæsluna í 2-2 jafnteflinu gegn Everton í gær. Hann segir að það sé kominn tími á VAR.
Richarlison skoraði á 15. mínútu þar sem Theo Walcott var rangstæður í undirbúningnum og vildu leikmenn og þjálfarar Watford fá rangstöðu en fengu ekki.
„Það er erfitt að taka þessu því við áttum seinni hálfleikinn en að fá á sig mark á síðustu mínútunni. Það er rosalega erfitt að taka því og við þurfum að halda áfram með sama hugarfarið," sagði Gracia.
„Ég vil helst ekki segja neitt um dómarana. Ef VAR væri klárt í ensku úrvalsdeildina núna þá hefðu úrslitin verið öðruvísi en ég er mjög stoltur af framlagi minna manna," sagði hann í lokin.
Athugasemdir