Tottenham var komið með bakið upp við vegg eftir að hafa aðeins náð í eitt stig úr fyrstu þremur leikjum sínum, en liðið náði að rétta úr kútnum og eftir jafntefli við Barcelona í kvöld var sætið í 16-liða úslitunum tryggt.

„Leikmennirnir voru frábærir. Þetta tók á. Ég er ánægður fyrir hönd stuðningsmanna. Þetta er risastórt afrek fyrir félagið," sagði Pochettino eftir leikinn í kvöld.

„Ég er svo ánægður. Eftir leikinn vissum við ekki hvernig leikurinn hjá Inter hafði endað, það var erfitt að bíða en við erum svo ánægðir. Þetta er svo mikilvægt fyrir félagið."

„Ég trúði því alltaf að við gætum unnið leikinn. Við sköpuðum mikið af færum en við vorum ekki að ná að skora, við hugsuðum að þetta væri kannski ekki kvöldið okkar. En sem betur fer skoruðum við."

„Við eigum skilið að fara áfram með Barcelona. Við vorum bestu liðin í þessum riðli."

Sjá einnig:
Sögulegur áfangi hjá Tottenham - 16-liða úrslitin bíða