Jose Mourinho var svekktur eftir 2-1 tap gegn Valencia fyrr í kvöld en er ánægður með að hafa komist upp úr riðli í Meistaradeildinni.
Valencia komst yfir með marki frá Carlos Soler í fyrri hálfleik og skoraði Phil Jones vandræðalegt sjálfsmark skömmu eftir leikhlé og staðan orðin 2-0. Marcus Rashford kom af bekknum snemma í síðari hálfleik og náði að minnka muninn á lokakaflanum.
Juventus endar á toppi riðilsins þrátt fyrir 2-1 tap gegn Young Boys í kvöld, en Manchester United hefði náð toppsæti riðilsins með sigri gegn Valencia.
Mourinho virtist vera í grínskapi að leikslokum því hann byrjaði viðtalið á léttu nótunum þrátt fyrir tapið.
„Við töpuðum aðallega vegna þess að við skoruðum tvö mörk en í staðinn fyrir að vinna 1-2 þá töpuðum við 2-1," sagði Mourinho og glotti eins og er hægt að sjá hér fyrir neðan.
„Mér fannst við vera of passívir í fyrri hálfleik. Við vorum rólegir á boltanum en það vantaði allan metnað í sóknarleikinn. Það var slæmt að fá sjálfsmark í andlitið snemma í síðari hálfleik, það gerði þeim kleift að stjórna leiknum.
„Ég gerði tvær breytingar í seinni hálfleik og við byrjuðum strax að spila betur. Við áttum að ná jafntefli en klúðruðum dauðafærum."
"We scored two goals..."
— Football on BT Sport (@btsportfootball) December 12, 2018
"But instead of winning 2-1, we lost 2-1!"
Yep, that's how own goals work 😂
Jose Mourinho believes a lack of intensity cost his team tonight. pic.twitter.com/0ye2XVlcum
Athugasemdir