Frakkinn Ousmane Dembele hefur ítrekað pirrað starfsmenn Barcelona á þessu tímabili vegna hegðunar sinnar utan vallar.
Hann skoraði í grannaslagnum gegn Espanyol síðasta laugardag en mætti svo of seint á æfingu daginn eftir. Hann skoraði svo aftur í jafnteflinu gegn Tottenham í Meistaradeildinni í vikunni
Hann skoraði í grannaslagnum gegn Espanyol síðasta laugardag en mætti svo of seint á æfingu daginn eftir. Hann skoraði svo aftur í jafnteflinu gegn Tottenham í Meistaradeildinni í vikunni
Ernesto Valverde, þjálfari Barcelona, hefur aðvarað leikmanninn unga og nú hafa fjölmiðlar sagt frá því sem átti sér stað á æfingasvæðinu í vikunni.
Dembele kallaði liðsfélaga sína til sín fyrir æfingu og báð þá afsökunar á hegðun sinni. Hann lofaði því að þetta myndi ekki koma fyrir aftur.
Ræða hans var stutt en fór vel í liðið og standa samherjar hans með honum.
Athugasemdir