Telegraph telur að Manchester City sé sigurstranglegasta lið Meistaradeildar Evrópu þetta tímabilið. Til gamans ákvað blaðið að styrkleikaraða þeim sextán liðum sem verða í pottinum þegar dregið verður í útsláttarkeppnina á mánudaginn.

Manchester United er í 14. sæti á þeim lista. Ríkjandi meistarar í Real Madrid eru hikstandi í deildinni heima og eru aðeins í 9. sæti, á eftir Tottenham sem er í 8. sæti. Þá hefur Bayern München ekki verið sannfærandi á tímabilinu og er í 7. sæti.

Liverpool er orðið öflugra varnarlegra en á síðasta tímabili og er í 4. sæti en PSG, Juventus og Manchester City eru þó talin sigurstranglegri í keppninni.